Pamje brenda kabinës – momenti kur turistët u përpoqën të paralajmëronin pilotin, pak para përplasjes me një tjetër helikopter në Australi

Disa pamje brenda kabinës së një helikopteri thuhet se tregojnë momentin kur turistët u përpoqën të paralajmëronin pilotët disa momente përpara një përplasjeje tmerruese.

Katër persona vdiqën – duke përfshirë një çift britanik – kur dy helikopterët u përplasën me njëri-tjetrin pranë Sea World në Australi.

Dhe, sipas mediave të huaja, përcjell Telegrafi, pamjet tronditëse të një prej helikopterëve tregojnë momente para rrëzimit.

Aty, një nga pasagjerët duket se përpiqet të lajmërojë pilotin duke e goditur në shpatull.

Dhe më pas, pak çaste më vonë, tehet e rotorit të helikopterit tjetër futen në kabinë me një përplasje të fortë.

Aty, helikopteri godet një helikopter tjetër i cili po ngrihej ndërsa po hynte në tokë.

Autoritetet tani po hetojnë për të parë se çfarë shkoi keq dhe për të përcaktuar saktësisht se çfarë po ndodhte në të dy kabinat.

Çifti britanik Ron Hughes, 65 vjeç, dhe gruaja e tij Diane, 57 vjeçe, gjetën vdekjen të dy teksa ishin në helikopter që po ngrihej.

Ash Jenkinson, 40 vjeç, piloti kryesor, gjithashtu. Po kështu ishte edhe mamaja australiane Vanessa Tadros, 36 vjeçe.

Tre të tjerë, duke përfshirë dy fëmijë, po luftojnë për jetën pas aksidentit.

Shefi i Byrosë Australiane të Sigurisë së Transportit (ATSB) Angus Mitchell tha se helikopteri që po ngrihej ishte në ajër për më pak se 20 sekonda para rrëzimit. /Telegrafi/