Ministri i Jashtëm i Kosovës, Behgjet Pacolli, mëngjesin e sotëm e takoi kongresmenin Eliot Engel.
Pacolli, përmes një postimi në Facebook, tha se kontributi i Engel për vendin tonë është i njohur nga secili qytetar i Kosovës.
Postimi i plotë i Pacollit:“Mëngjesin e sotëm, pata nderin ta kaloj së bashku me mikun e madh të Kosovës, kongresmenin Eliot Engel. Kontributi i Engel për vendin tonë është i njohur nga secili qytetar i Kosovës. Kongresmeni Engel edhe sot nga pozicioni i udhëheqësit të komitetit për politikë të jashtme në kongresin e SHBA, ndihmon fuqizimin dhe zhvillimin e vendit tonë. Faleminderit kongresman Engel”, ka shkruar Pacolli. /Telegrafi/
