Pacolli i bën thirrje FIFA-s të reagojë pas ndalimit të flamurit të Kosovës në Kampionatin Botëror

Zëvendëskryeministri dhe ministri i Punëve të Jashtme të Kosovës, Behgjet Pacolli, ka reaguar ndaj ndalimit të flamurit të Kosovës në Kampionatin Botëror në Rusi.

Edhe pse Kosova është anëtare e FIFA-s me të drejta të plota, flamuri i vendit tonë është ndaluar në ‘Rusia 2018’ nga autoritetet ruse, madje duke u llogaritur në të njëjtin nivel me flamurin e grupit terrorist, ISIS.

Flamuri i Kosovës është përfshirë në listën prej mbi 20 flamujve të ndaluar në stadiumet e turneut që janë përfshirë në një dokument prej shtatë faqesh, ku përfshihen edhe flamuri i Tajvanit, Iranit prerevolucionar, si edhe shumë organizatave separatiste.

Lexo po ashtu Reagim për ndalimin e flamurit të Kosovës në Rusi, Hoti: Kjo ndalesë është kryekëput politike

Po ashtu, pjesë e kësaj liste është edhe flamuri i Shtetit Islamik. Kjo ka qenë një ndalesë krejtësisht politike dhe një ndërhyrje e politikës në sport, teksa FIFA vazhdimisht e promovon mospërfshirjen e politikës në futboll.

“I zemëruar nga veprimet e Rusisë për të ndaluar përdorimin e flamurit të Kosovës gjatë Kampionatit Botëror të FIFA-s”.

“Kosova është anëtare e FIFA-s dhe u bëj thirrje të reagojnë ndaj abuzimit që ka bërë Rusia ndaj Kosovës si një anëtar i FIFA-s”.

“Politika duhet të mbetet jashtë sportit”, ka shkruar Pacolli në postimin e tij në Twitter. /Telegrafi/

Outraged by the actions of Russia to prohibit the use of the flag of #Kosovo🇽🇰 during @FIFAWorldCup . #Kosovo🇽🇰 is a member of @FIFAcom and I urge them to react to the abuse #Russia has made to 🇽🇰as a @FIFAcom member. Politics should stay out of sports! 🇽🇰⚽️🇽🇰⚽️

— Behgjet Pacolli (@pacollibehgjet) July 16, 2018