Otamendi e goditi me bërryl Raphinhan dhe ia mbushi gojën gjak, më herët e kishte goditur edhe Viniciur Juniorin – por shpëtoi në të dy rastet

Nicolas Otamendi e forcoi reputacionin e tij si një i çmendur absolut mbrëmë duke e goditur me bërryl në fytyrë Raphinhan, të cilin më pas e çoi në këmbë sikurse të mos kishte ndodhur asgjë. Argjentinasi pati kontakt edhe me Vinicius Juniorin më herët.

Ndonëse ndeshja e Argjentinës me Brazilin nuk ishte klasike dhe përfundoi pa gola, ajo rezultoi të ishte një ndeshje shumë e ashpër me 42 faulle dhe shtatë kartonë të verdhë.

Në mënyrë të pabesueshme, mbrojtësi i Benficas, Otamendi nuk ishte njëri nga të ndëshkuarit, edhe pse ishte ndoshta më i ashpëri gjatë ndeshjes.

“O VAR tá aí pra quê?” pic.twitter.com/hxtVRtmOWy

— ge (@geglobo) November 17, 2021

Otmendi lehtë mund të përfundonte edhe në tribuna, duke parë lojën e tij, por gjyqtari vendosi të mos e ndëshkonte edhe përkunder disa ekseseve.

33-vjeçari goditi me bërryl në fytyrë sulmuesin e Leeds Unitedit, Raphinha, kur të dy u përplasën për topin, duke bërë që gjaku të rrjedhë nga goja e kundërshtarit.

Cotovelada no rosto do Raphinha, que sangra. Na cara dura Otamendi ainda arranca o brasileiro do chão. O moço de preto? Nada. VAR? Segue o jogo. pic.twitter.com/eCfINRvg4k

— ge (@geglobo) November 17, 2021

Por, në vend që të kërkonte falje, Otamendi thjesht e kapi dhe e ngriti 24-vjeçarin në këmbë dhe u largua si të mos kishte ndodhur asgjë.

Raphinha protestoi ndaj gjyqtarit, por edhe pse me VAR-in në përdorim, Otamendi nuk u penalizua dhe shpëtoi mrekullisht.

Më pas, Raphinhas iu desh të luante me leshi pambuku në gojë për të ndaluar gjakun që i dilte nga goja.

Më herët gjatë lojës, Otamendi pati gjithashtu një ekses me Vinicius Junior, të cilin e goditi me krahë pa asnjë arsye. /Telegrafi/

Otamendi the type of mf to not do anything but push players and we love that pic.twitter.com/NrqgDSTAFX

— Galu (@PSGalu) November 17, 2021