Bujar Osmani në Këshillin për Punë të Jashtme të BE-së në Bruksel: Nevojitet vendim strategjik për integrimin e përshpejtuar të rajonit në BE
Ministri i Punëve të Jashtme i RMV-së Bujar Osmani, sot në Bruksel mori pjesë në takimin joformal të Ministrave të Punëve të Jashtme të vendeve anëtare të Bashkimit Evropian dhe të vendeve të Ballkanit Perëndimor në kuadër të Këshillit të Punëve të Jashtme, me të cilin kryesonte Përfaqësuesi i Lartë i BE-së për Punë të Jashtme dhe Politikë të Sigurisë, Joseph Borrell.
Siç njoftojnë nga MPJ, në fokusin e bisedimeve ishte situata aktuale në vendet e Ballkanit Perëndimor dhe proceset e tyre euro integruese në kuadër të agresionit të pajustifikuar rus ndaj Ukrainës.
Osmani rikonfirmoi qëndrimin konsistent të vendit tonë si partner kredibil i BE-së në zbatimin e politikës së jashtme të BE-së dhe partnerëve transatlantikë, duke rikujtuar se, në raport me Ukrainën, Maqedonia e Veriut e mbështeti plotësisht qasjen e BE-së, duke dhënë mbështetje të madhe ushtarake, ekonomike dhe gjithsesi politike për pavarësinë dhe sovranitetin e saj, si dhe për rrugën e saj evropiane.
“Agresioni rus ndaj Ukrainës e ka theksuar urgjencën që të kombinohet natyra e brendshme dhe transformuese e politikës së zgjerimit së bashku me dimensionin e saj të pashmangshëm të politikës së jashtme. Interesi ynë i përbashkët është t’i eksplorojmë mënyrat më efektive si ta minojmë ndikimin e vendeve të treta jodemokratike në zemrën e Evropës. Duhet një vendim strategjik për integrim të përshpejtuar të rajonit në BE”, tha ministri Osmani.
Osmani theksoi se Maqedonia e Veriut jo vetëm që po bën përpjekje të mëdha për të përmbushur kriteret për anëtarësim në Union, por është bërë shembull në të gjithë rajonin me kulturën e dialogut dhe zgjidhjen me kompromis të çështjeve të hapura.
“Edhe pse nuk jemi drejtpërdrejt në fushën e betejës, megjithatë jemi në fushën e betejës të narrativave dhe dezinformatave dhe duhet t’i shmangim këto përpjekje dhe të hapemi ndaj mundësive përmes pajtimit, dialogut, tejkalimit të trashëgimisë të së kaluarës dhe zgjidhjes së mosmarrëveshjeve me mirëkuptim, respekt dhe zgjidhje reciprokisht të pranueshme”, theksoi Osmani.
Në margjinat e mbledhjes së Këshillit për Punë të Jashtme të BE-së, Osmani realizoi takim bilateral me Komisionerin Evropian Oliver Varhelyi, ku diskutoi për rrjedhën e shkëlqyer të procesit të skriningut dhe nevojën e miratimit të ndryshimeve kushtetuese me qëllim të vazhdimit të negociatave të anëtarësimit në linjë të përshpejtuar rritëse.
Në kuadër të vizitës së punës në Bruksel, Ministri Osmani u takua me Drejtoreshën e Politikave Strategjike të Institutit të Brukselit, Miqtë e Europës, Darmendra Kanani, me të cilën nënshkruan Memorandum Bashkëpunimi në lidhje me organizimin e Forumit të Prespës për Dialog, i cili këtë vit mbahet më 15 dhe 16 qershor në Strugë. Bashkëpunimi me këtë Think-tenk prestigjioz vjen me iniciativën e tyre, ku paraqet edhe një konfirmim të imazhit pozitiv dhe etablimit të Forumit të Prespës për Dialog në rajon dhe Evropë.
Lufta Prigozhin - Putin
Më shumëNga Rubrika
Ndalohet një person në Tetovë, kapet me lëndë narkotike
Stano tha se Kosova nuk e njoftoi BE-në me raport për sulmin në Banjskë, ambasadori Bajrami ia përmend të gjitha me data
BE pret që qeveria e re të bëjë ndryshimet kushtetuese dhe të respektojë Marrëveshjen e Prespës
Sot riga shiu e shkarkime rrufesh
Ymeri ia përkujton Halitit të VV-së: Ke shkelë mbi nënshkrimet e 200 mijë qytetarëve
Kurti e Vuçiq sot përballë njëri-tjetrit në Bruksel
Kryeministri serb: Serbia e gatshme të bëjë kompromise me Kosovën
Dugolli: Nuk e bëjmë Asociacionin pa njohjen e Kosovës de facto nga Serbia
Berisha: Takimi me Martin Berishajn nuk e ndryshon qëndrimin tim për aferën GEN
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Derisa Serbia viktimizohet në UEFA, huliganët e tyre përleshen masivisht me policinë gjermane
Arsyeja pse Danimarka përfundoi mbi Slloveninë përkundër pikëve dhe golaverazhit të njëjtë
Arrihet marrëveshja: Chelsea transferon sensacionin e Barcelonës
Ishte cilësuar si armë sekrete, droni nënujor i ushtrisë amerikane shfaqet ‘befasisht’ në imazhet e Google Earth
Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar
Lajm i mirë për mërgimtarët nga Zvicra dhe Gjermania që planifikojnë të vijnë në Kosovë