Organizim kreativ nga Éclat Institut de Beauté

Éclat Institut De Beauté ka sjellë një frymë të re në Kosovë; përveç punës së tyre të përditshme, siç është mirëmbajtja e lëkurës me trajtime dhe produkte profesionale, ata po shfaqin edhe mënyra shumë kreative për të qenë sa më afër klientëve të tyre,  duke organizuar evente të ndryshme këshilluese.

Këtyre ditëve, në ambientet e Éclat është organizuar një event shumë simpatik dhe frytdhënës i ashtuquajtur ‘’BLOGGER´S & JOURNALIST EVENING’’. Të ftuar kanë qenë blogerët dhe gazetarët tanë më aktivë, ku para tyre përfaqësuesit e Éclat kanë bërë një prezantim për trajtimet dhe produktet që ata po i ofrojnë tregut të Kosovës me theks të veçantë në lansimet e reja.

Për më shumë, eventi ishte shumë relaksues me shampanjë, fruta dhe muzikë duke e bërë mbrëmjen shumë të veçantë dhe të këndshme për gjithë të pranishmit.

Vlen të përmendet se pjesë e eventit ishte edhe Agnesa Vuthaj, si një ambasadore e produkteve dhe shërbimeve të Éclat në Kosovë.

Padyshim, edhe ne, u ndamë të befasuar me organizimin dhe informatat shumë të dobishme që kozmetologia Leonora Ahmeti, nikoqire e eventit. Ajo, si ndër të rrallat në Kosovë, është shkolluar në Finlandë dhe, ka një bagazh/eksperiencë në institute prestigjioze në Francë dhe Finlandë,.

Shërbimet që ky Institut po i ofron janë të shumta, duke filluar nga këshillimi i drejt rreth mirëmbajtjes së lëkurës, analiza mbi tiparet dhe nevojat e lëkurës, kurimi i problemeve me pajisje dhe produkte unike e profesionale DR. KLEANTHOUS dhe SOTHYS.

DR. KLEANTHOUS, është brend shumë prestigjioz i themeluar në 1989 nga Dr. Kleanthous në Heidelberg, Gjermani. Hulumtimi dhe zhvillimi i produkteve bëhet në Francë. Është prezent në më shumë se 20 shtete të botës si një partner i besueshëm në fushën e kozmetologjisë dhe wellness.

Produktet në kombinim me pajisjen ‘’magjike’’ SONOSTAR MATRIX nga KLEANTHOUS për një trajtim unik, kurues dhe mirëmbajtës për nevojat e ndryshme të lëkurës e që në Kosovë gjinden vetëm në Éclat.

Pjesë e portfolios së Éclat është edhe brendi tjetër shumë i njohur SOTHYS, me një gamë të gjerë produktesh, me një linjë MAKE UP-i, kurues, trajtues dhe shumë ngjyrëshe.

Një pjesë të prezantimit e kishte edhe kozmetologia tjetër nga Tirana Alma Cani.

Shpresojmë që, evente të tilla, Éclat do të organizojë edhe në të ardhmen. /Telegrafi/