OnePlus njofton ngjarjen për telefonin e ardhshëm

Më parë këtë javë, CEO i OnePlus, Pete Lau, promovoi telefonin e ardhshëm të tij, me sa duket të quajtur OnePlus 7, duke deklaruar se do të sjellë “një epokë të re të shpejtë dhe të lehtë”.

Ndërsa nuk na dha shumë për të vazhduar, duket sikur kompania nuk do t’i mbajë konsumatorët në pezull për shumë kohë.

Sot, Lau përdori edhe një herë Twitter-in për t’u kërkuar fansave të qëndrojnë në pritje të ngjarjes që po ndodh të martën e ardhshme.

Vlen të përmendet se kjo nuk duket sikur kompania do të njoftojë telefonin në atë ditë, por në vend të kësaj do të zbulojë datën në të cilën do të lansoj OnePlus 7 të supozuar.

Një raport sugjeroi që OnePlus mund të përfshijë një ekran me një ritëm të rifreskimit prej 90 Hz, gjë që do të bënte që përvoja të ndihej më e këndshme se shumica e telefonave në treg.

Ekrani gjithashtu thuhet se është përmirësuar deri në Quad HD, pasi ka qëndruar me Full HD për gjeneratat e fundit.

Raporte të tjera kanë treguar se, në një lëvizje të pazakontë, kompania do të lansojë dy modele të OnePlus 7, me modelin bazë që duket shumë si OnePlus 6T.

Një variant Pro i OnePlus 7 do të kishte një mekanizëm rrëshqitës për kamerën dhe do të përdorte 90Hz të përmendur më lart.

Përveç kësaj, OnePlus kishte njoftuar më parë se do të ishte një nga kompanitë e para që do të përdorin procesorin Snapdragon 855, me sa duket me mbështetje për 5G. /Telegrafi/