Ohri edhe këtë verë pa plazhe të rregulluara, Struga me plazhe të reja

Derisa Komuna e Ohrit është në pritje të Planit Menaxhues për bregdetin e Ohrit nga Agjencia për Planifikim Hapësinor dhe ka mbetur pa plazhe të rregulluara, kryetari i Strugës Ramiz Merko, përveç atyre ekzistuese, paralajmëron edhe plazhe të reja të rregulluara në mënyrë moderne, pasi siç thotë ai, turizmi nuk do të vuajë, duhet të ketë plazhe për turistët, përcjell Telegrafi Maqedoni.

“Plazhet e Strugës do të kenë lokale, shezlong, çadra dhe pajisje urbane”, tha Merko, njofton “Sdk.mk”.

Sipas tij, do të merren me qira lokacione të reja për peizazhe, të cilat do të tërheqin më shumë turistë.

“Ka vende shtesë që do të jenë plazhe. Mendoj se të gjitha plazhet do të jenë në funksion të plotë për mysafirët që do të vijnë në Strugë për pushimet verore. Kemi bërë një ofertë të mirë”, tha Merko.

Merko beson se objektet në plazhe nuk janë ndërtime pa leje sepse kanë kontrata të ligjshme dhe çdo gjë që është në tokë shtetërore, ndërsa shfrytëzohen nga persona privatë që paguajnë Komunën.

“Të gjithë janë të ligjshëm, ndërkohë që jemi dakord me pushtetin qendror se si të veprohet me plazhet, duhet t’i shfrytëzojmë dhe t’i plotësojmë me një pjesë të buxhetit të Komunës së Strugës”, shtoi Merko.

Kryetari i Ohrit Kiril Peçakov thotë se vitin e ardhshëm do të ketë plazhe të rregulluara sipas të gjitha standardeve mjedisore sipas rekomandimeve të UNESCO-s, sepse Agjencia për Planifikim Hapësinor dhe Ministria e Transportit dhe Lidhjeve ende nuk e kanë dhënë bazën e planit.

“Nuk e di se si do të kalojmë një verë tjetër me plazhe të parregullta përsa i përket tërheqjes së turistëve. Ohri duhet të ketë plazhe të rregullta dhe këtu nuk ka dilema, sigurisht sipas rregullave dhe rregulloreve të sakta, por edhe pas gati dy vitesh ende nuk është përgatitur Plani për rregullimin e plazheve”, tha kryetari Pecakov.

Sipas tij, UNESCO nuk kërkon plazhe të lira por të peizazhuar, dhe ato ekzistuese në bregun e liqenit janë bërë me projekte ligjore të Ministrisë së Transportit dhe Lidhjeve./Telegrafi/