I ofroi ndihmë rreth shërimit, Adriana Matoshi i përgjigjet Labit: Operacioni nuk ka kushtuar aq shtrenjtë, kolegët e shoqëria më kanë ndihmuar

Një përkrahje morale e financiare ditën e sotme për Adriana Matoshin e ka bërë edhe këngëtari Labinot Tahiri.

Labi theksoi se është i gatshëm edhe për të mbledhur para nëse i nevojiten aktores, e cila njoftoi se i është rikthyer tumori në tru pas nëntë vitesh.

Ndihmës së ofruar iu përgjigj deputetja e Kuvendit të Kosovës që e falënderoi duke shtuar se operacioni nuk i ka kushtuar shumë shtrenjtë dhe se për këtë i kanë ndihmuar edhe shoqëria e njerëzit e afërm.

“E vlerësoj shumë iniciativën e faleminderit nga thellësia e shpirtit. Faleminderit Zotit operacioni im nuk ka kushtuar aq shtrenjtë dhe gjithashtu koleget dhe shoqëria më kanë ndihmuar”.

“Uroj që gjithsecili njeri që është i sëmurë ta ketë forcën e Zotit për t’i përballuar dhimbjen e njerëzit përreth që e kanë zemrën e madhe për kontribut. Ju dua fort”, u përgjigj Matoshi.

Lexo po ashtu Labi për Adriana Matoshin: Nëse i duhet ndihma jonë ne jemi aty 24 orë

Aktorja nga Gjilani për herë të parë u diagnostikua me tumor në tru në vitin 2012, kur ishte shtatzënë me fëmijën e katërt.

Ajo tha se tani iu rikthye pas një kohe të gjatë gjë të cilën besohet se do ta kalojë sërish.

Sot gjithashtu u krijua eventi “Ecim për Adrianën” në shenjë solidarizimi për artisten e mirënjohur, ku morën pjesë figura të shumta publike e qytetarë. /Telegrafi/