Oficerja qëllon me armë zjarri 30-vjeçarin shqiptar në Athinë

Një 30-vjeçar shqiptar është qëlluar me armë zjarri nga një oficere policie në Athinë.

Mësohet se 30-vjeçari ishte përplasur fizikisht me oficeren e policisë gjatë një aksioni policor që nisi në orën 06:00 të mëngjesit të sotëm.

Mediat e huaja deklaruan se oficerja e ka qëlluar shqiptarin me armë zjarri për t’u vetëmbrojtur.

Si ndodhi ngjarja

Një alarm është dhënë mëngjesin e së martës në zonën e Zografou pas të shtënave në Universitetin e Teknologjisë Zografou.

Gjithçka nisi me një operacion të nëndrejtorit të Sigurimit të Athinës për drogën në rezidencat e vjetra të studentëve në Universitetin Politeknik, raportojnë mediat greke.

Operacioni nisi në orën 6 të mëngjesit, pas informacioneve se rezidencat e studentëve po përdoreshin për trafik droge si dhe bazë për grabitje në zonën e gjerë.

Ndërkohë që operacioni po zhvillohej, një nëpunëse nuk u ndje mirë dhe vendosi të largohej me makinën e saj private. Teksa po shkonte drejt saj është sulmuar me kaçavidë nga një burrë me origjinë shqiptare, rreth 30 vjeç.

Për të zmbrapsur sulmin, punonjësja e policisë ka qëlluar me armën e shërbimit në këmbë 30-vjeçaren.

Burri ka mbetur i plagosur dhe është dërguar në spital. Sipas informacioneve, ai jetonte në një rezidencë studentore së bashku me vëllanë e tij, i cili gjithashtu u arrestua.