Ofertë e ulët nga Man Utd, Bayerni refuzon shitjen e De Ligt

Manchester United e ka bërë prioritet transferimin e qendërmbrojtësit holandez Matthijs de Ligt, por një gjë e tillë nuk po del e lehtë.

Trajneri i United, Erik Ten Hag dëshiron të bashkohet me De Ligt dhe i ka kërkuar klubit që të përshpejtojë transferimin e bashkëkombësit të tij.

Sipas asaj që raportohet nga gazeta gjermane ‘Bild’, klubi anglez ka bërë një ofertë fillestare e cila i është kthyer mbrapsht dërguesit pasi u gjykua se nuk i përmbushte pritshmëritë.

Lexo po ashtu Uli Hoeness tregon se ku do të transferohet Matthijs de Ligt

Djajtë e Kuq mësohet se kanë ofruar ofruar 30 milionë euro, plus pesë milionë në formën e bonuseve, por për klubin bavarez ishte ofertë shumë e ulët.

Gjithnjë sipas raportimeve nga Bild, De Ligt ka arritur tashmë një marrëveshje me Manchester United disa kohë më parë, por Bayerni po kërkon më shumë.

Lexo po ashtu Zbulohen detajet e kontratës, sa do të fitojë Matthijs de Ligt pas transferimit te Man Utd

Në fakt, Bayerni e vlerëson çmimin e qendërmbrojtësit holandez të paktën 50 milionë euro dhe kjo është pika fillestare për gjetjen e një marrëveshjeje.

Mbetet të shihet gjatë ditëve të ardhshme nëse United do rritë ofertën, apo De Ligt do të mbetet te Bayerni. /Telegrafi/