OBRM-Popullore për konkluzionet e Komisionit: Çështja është nëse dikush dëshiron të përballet me faktet apo të jetojë në gënjeshtra

OBRM-Popullore e mirëpret përparimin e dy komisioneve historike si akt i rrugës pozitive të Maqedonisë së Veriut drejt integrimeve euroatlantike. OBRM-Popullore dëshiron të rikujtojë pjesën teknike të marrëveshjes se për këto konkluzione që po i shikon tani opinioni maqedonas janë pajtuar më shumë se dy vjet më parë, fatkeqësisht pala bullgare atëherë i konsideroi shumë pak dhe vendosi veton ndaj saj, thuhet në njoftimin e OBRM-Popullores.

Nga OBRM-Popullore thonë se të gjithë ata që merren me politikë të lartë në Maqedoni duhet ta dinin këtë fakt sepse është thënë nga presidenti i shtetit dhe kryeministri i mëparshëm si dhe nga kryetari i pjesës sonë të komisionit, prandaj është befasuese habia që po e shprehin tani disa liderë politikë.

“OBRM-Partia Popullore beson se në marrëveshjen e përbashkët janë paraqitur shumë fakte të njohura për mbarë botën dhe bizantologjinë ballkanike dhe studimet mesjetare dhe ata që pyesin, duhet të pyesin veten jo për faktet, por për faktin se dikush i ka manipuluar dhe u mësoi atyre të dhëna të rreme. Çështja është nëse dikush dëshiron të përballet me faktet apo të jetojë në gënjeshtra.

Qëndrimi i partisë është “të gjithë ata që atëherë heshtën dhe e përkrahnin atë deformim të historisë, sot kritikojnë. Prandaj mund të themi se ky është rikthimi i Shën Kirili dhe Metodi dhe Shën Klimenti dhe Naumi dhe i Car Samuelit në historiografinë maqedonase”./Telegrafi/