Një debat mes Eglit dhe Gjestit sot në shtëpi tërhoqi vëmendjen e banorëve dhe fansave të spektaklit.
Teksa Egli qëndronte e qetë në oborr duke pirë cigare, Gjesti iu afrua me disa ankesa.
Ai u shpreh i pakënaqur që ajo ishte ulur pranë djemve të rinj që hynë në shtëpi javën e kaluar, të cilët ajo i konsideron shokë.
Egli iu përgjigj me qetësi duke e pyetur: “Nëse nuk ke ndjenja për mua, pse shqetësohesh?”, duke i kujtuar se ai vetë e kishte theksuar disa herë këtë gjë.
Gjesti, i acaruar, mohoi të ishte xheloz dhe tha se thjesht kishte inat.
Por, Egli e qetësoi duke i thënë se ata janë shokë të mirë nga jashtë dhe i konsideron si familje.
Ky moment shkaktoi komente nga ndjekësit e spektaklit, të cilët debatojnë nëse Gjesti është vërtet i painteresuar, apo nëse ky është një reflektim i ndjenjave të tij të pazbuluara.
Disa edhe shkruajnë se ai nuk duhet të ketë këtë sjellje pasi Eglin e kishte lënduar shumë here duke i thënë që nuk ka ndjenja.
Egli arriti të ruajë qetësinë dhe të mos përfshihet në këtë situate që Gjesti krijoi. /Telegrafi/