Nuk ka rishqyrtim të vendimit për rastin “Spiuni”, Gjykata e Lartë refuzoi kërkesën

Kërkesa për rishqyrtim të jashtëzakonshëm të aktgjykimit në rastin “Spiuni”, ku i akuzuari i parë dhe i dënuar ishte Marjan Efremov, është e pabazë, të cilën e ka paraqitur i dënuari Miço Naskovski. Ky është aktgjykimi i Gjykatës së Lartë, nga ku theksojnë se nuk do të ketë asnjë rishikim të aktgjykimeve të Gjykatës Penale të nxjerra nëntë vite më parë dhe as aktgjykimit të apelit të marrë vitin e kaluar.

“Këshilli Gjyqësor i Departamentit për vepra penale në Gjykatën së Lartë të Republikës së Maqedonisë së Veriut ka nxjerrë aktgjykim me të cilin janë paraqitur kërkesat për rishqyrtim të jashtëzakonshëm të aktgjykimit të formës së prerë nga i dënuari M. N., personalisht dhe përmes avokatëve të tij, kundër aktgjykimit të Gjykatës Themelore Shkup 1 të datës 06.10.2014 dhe aktgjykimit të Gjykatës së Apelit Shkup KOKZH nr.97/21 të datës 22.03.2022, i ka refuzuar si të pabazuara”, thonë nga Gjykata e Lartë.

Gjykata Penale e dënoi Naskovskin me katër vjet burg për veprat penale mashtrim dhe shantazh. Me të njëjtin aktgjykim, Marjan Efremov u dënua me 15 vjet burg për veprat kriminal, spiunazh, mashtrim, shantazh./Telegrafi/