Nuk ka përfunduar ende asgjë, agjentët e Lautaros takohen sot për bisedime me Barcelonën

Agjentët për sulmuesit të Interit, Lautaro Martinez po refuzojnë të heqin dorë nga një marrëveshje me Barcelonën për klientin e tyre.

Gjatë ditëve të fundit është raportuar se ka përfunduar gjithçka rreth ‘sagës Lautaro’ me sulmuesin që do të mbetet te Interi.

Megjithatë, tani mediat italiane raportojnë se ende ka shkëndijëza mes përfaqësuesve të lojtarit dhe klubit nga Camp Nou.

Lexo po ashtu Zanetti: Interi dhe Barca nuk janë në bisedime për Lautaron

Sipas mediumit Corriere dello Sport, agjentët e reprezentuesit argjentinas o të flasin sot me drejtorët e Barçës.

Takimi i palëve thuhet se do të mbahet ‘online’ si hap para një fluturimi për në Spanjë për bisedime ballë për ballë.

Në tryezë jo vetëm që do të jetë largimi i mundshëm i Lautaros nga Interi dhe oferta e paraqitur nga Barcelona, por edhe propozimi i rinovimit i paraqitur nga klubi italian që, tani për tani, është refuzuar nga Argjentinasi.

Lexo po ashtu Kalimi i Lautaros te Barcelona do të vendoset në ditët e ardhshme

Kushtet personale nuk kanë qenë kurrë problem për Lautaron dhe Barcën, pengesa më e madhe ka qenë Interi dhe vlerësimi i tyre.

Dhe kjo ka bërë që katalunasit të kërkojnë alternativa, përfshirë yllin e Lyonit, Memphis Depay. /Telegrafi/