Nuk ishte sjellë “mirë”, nëna ndëshkon të birin duke e lënë jashtë në shi (Video)

Një djalë i vogël është filmuar duke u munduar me forcë të ngjitet mbi veturën e nënës së tij, e cila kishte refuzuar ta lejoj që të futet brenda.

Videoja rrëqethëse është filmuar nga një dëshmitar okular në Zhudong të Tajvanit, ku shfaqet një djalë i vogël që me çdo kusht e ndjek nga pas nënën e tij që ishte brenda veturës, kurse ajo si kundërpërgjigje i vërsulet për ta rrahur, transmeton Telegrafi.

Vogëlushi dëgjohet duke thënë vazhdimisht: “Nënë, nuk do ta bëjë më kurrë. Vërtet po të them që nuk do ta bëjë”. Por, lutjet e tij nuk i bënin përshtypje nënës së tij e cila mundohej të ikte nga vendi i ngjarjes duke e lënë duke qarë.

Megjithatë, ai insistonte që ajo t’ia falte dhe ta lejonte të futej në veturë. Videoja tre minutëshe, tregon dhjetëra tentimet e dështuara të nënës që të largohet nga vendi i ngjarjes pa të birin.

Sipas policisë, nëna e kishte dërguar të birin të luaj në një park dhe pasi që filloi të binte shi, ajo ishte nisur për në veturë që të shkojnë në shtëpi.

Dhe në ato momente i biri kishte refuzuar të largohet nga këndi i lodrave, duke i kërkuar që ende të qëndrojnë, ku si rezultat i kësaj mosmarrëveshje edhe deri te humbja e durimit të kësaj nëne. /Telegrafi/