Nuk e mbanë të fshehur – Tuchel flet për planin e tij të madh te Bayerni

Thomas Tuchel  ka dhënë një deklaratë të fuqishme në prezantimin e tij te Bayern Munich, pasi ai zëvendësoi të shkarkuarin Julian Nagelsmann.

Gjermani u emërua si trajner i Bavarezëve, duke zëvendësuar kështu gjermanin tjetër në mënyrë befasuese.

Tuchel, i cili më parë ka drejtuar Chelsean, PSG dhe Borussia Dortmund, ka nënshkruar kontratë deri më 30 qershor të vitit 2025 me 31 herë kampionët e Gjermanisë.

Lexo po ashtu Tuchel prezantohet te Bayerni: Është nder i madh që jam trajner i këtij ekipi

Duke folur për mediat të shtunën, Tuchel tha: “Është një nder për mua që mund të drejtoj një klub si Bayern Munich”.

“Kam qenë në kontakt shumë të ngushtë me Bayernin më parë. Por, atëherë nuk mund të prisja. Nuk do të ishte kurrë e përshtatshme t’i bënit presion askujt. Gjërat shkuan shumë shpejt këtë herë, është një zgjidhje e mirë për mua”.

“Koha ishte befasuese, nuk e prisja dhe nuk kishte asnjë kontakt më parë. Mendova se do të vazhdoja karrierën time jashtë vendit. Intervista e parë ishte mbrëmjen e së martës. Madhësia e sfidës ishte faktori vendimtar që doja ta bëja”.

Lexo po ashtu Si mund të luajë Bayerni nën urdhrat e Tuchel nga sezoni i ri: Tri transferime nga Chelsea dhe një nga PSG

“Ne nuk kemi shumë kohë. Fitimi i të gjithë titujve është ende i mundur. Prandaj, gjithçka do të jetë në lidhje me detajet. Unë kam një ide se çfarë të bëj dhe mezi po e pres të nis. Bëhet fjalë për të luajtur për të gjithë titujt”.

“Edhe kur punoni jashtë vendit për një kohë, bëheni edhe më të vetëdijshëm për rëndësinë e Bayernit. Është një nga klubet më të mëdha në Evropë dhe në botë”.

“Edhe kjo është një përgjegjësi e madhe. Në fund ka edhe një arsye personale që unë të punoj këtu pranë familjes sime dhe në shtetin ku kam lindur. Ka shumë arsye që më kanë bërë të pranoj shpejt pozitën”, ka shtuar më tej Tuchel. /Telegrafi/