Një i vdekur dhe 28 të plagosur si pasojë e shembjes së çatisë gjatë koncertit në Illinois

Çatia e një koncerti në Illinois u shemb të premten në mbrëmje, duke lënë të vdekur të paktën një dhe 28 të tjerë të plagosur.

Tragjedia ndodhi në Teatrin Apollo në Belvidere, Illinois, në një shfaqje të orës 19:00, ku ishte planifikuar të performonin: “Morbid Angel”, “Revocation” dhe “Skeletal Remains”.

Pak para orës 20:00, çatia dhe tenda e përparme e lokalit u rrëzuan, gjersa në ndërtesë ishin rreth 260 njerëz.

Roof collapses during concert by Morbid Angel at the Apollo Theatre in Belvidere, Illinois.

There are reports of multiple victims#morbidangel #apollotheatre #belvidere #illinois #tornado #storm #weather #breakingnews pic.twitter.com/ptmYoSkm4o

— Crime With Bobby (@crimewithbobby) April 1, 2023

Reaguesit e parë vrapuan menjëherë në vendngjarje dhe filluan të nxirrnin viktimat nga rrënojat.

Një person u konfirmua i vdekur dhe 28 të tjerë u transportuan në spitalet e zonës për trajtim.

Lexo po ashtu Të gjitha lajmet nga Illinois

Pesë nga të transportuarit kishin “lëndime të rënda”, 18 kishin lëndime mesatare dhe pesë kishin lëndime të lehta.

Sipas raportimeve lokale, të paktën 20 ambulanca u dërguan në teatër – i cili ndodhet disa kilometra larg qytetit të Rockford.

Shërbimi Kombëtar i Motit lëshoi paralajmërime për stuhi të forta dhe tornado për Belvidere, duke vlerësuar erërat me shpejtësi 70 mph.

Stuhitë kanë lënë të paktën 103,000 njerëz pa energji elektrike në shtet që nga e premtja mbrëma, sipas Poweroutage.us.

Teatri Apollo, i cili u ndërtua në vitin 1921, e konsideron veten si një “teatër muzikor dhe ngjarjesh”. /Telegrafi/