Një shtetas shqiptar i dyshuar për vjedhje në dy shtëpi në Strugë

Prokuroria Themelore Publike Strugë ka iniciuar procedurë kundër një shtetasi të Shqipërisë 28 vjeçar i cili ka qëndruar ilegalisht në vend dhe për të cilin ekziston dyshimi i bazuar se ka kryer dy vepra penale – Vjedhje e rëndë nga neni 236 paragrafi 1 të. Kodit Penal.

Prokuroria Publike ka njoftuar sot se i dyshuari ka hyrë me dhunë në dy shtëpi në Strugë, duke marrë një tablet, telefona, bizhuteri, dy biçikleta dhe sende të tjera.

Prokuroria në Gjykatën Themelore në Strugë ka dorëzuar propozim për caktimin e masës së paraburgimit për të dyshuarin, sepse ekziston rreziku i arratisjes dhe mundësia e përsëritjes së veprës penale.

”I dyshuari së bashku me një person tjetër është dënuar në vitin 2019 në Strugë për veprën penale të grabitjes gjatë tentativës për grabitje të një lokali bastesh, gjë që tregon qartë gatishmërinë e tij për të kryer krime në të ardhmen. Meqenëse bëhet fjalë për një shtetas të huaj pa qëndrim të rregulluar në vend, i cili nuk ka respektuar masën e përcaktuar nga gjykata të dëbimit 8-vjeçar nga vendi, duket qartë se i dyshuari është gati të kalojë kufirin ilegalisht dhe të bëhet lehtësisht të paarritshme për autoritetet ligjzbatuese. Për këto arsye, Gjykata e ka pranuar propozimin e Prokurorisë Themelore Publike të Strugës dhe i ka caktuar masën e paraburgimit për të siguruar praninë e tij gjatë procedurës penale, thuhet në njoftimin e Prokurorisë Publike. /Telegrafi/