Një grup sekret i trajnerëve ushtarakë amerikan ka qenë në Tajvan për së paku një vit

SHBA-ja ka mbajtur fshehurazi kontingjent të vogël të trajnerëve ushtarakë në Tajvan për të paktën një vit, sipas një raporti të ri, shenjë e fundit e rritjes së aksioneve në rivalitetin SHBA-Kinë.

Sipas The Guardian, përcjell Telegrafi, rreth dy duzina ushtarë të forcave speciale amerikane dhe një numër i pacaktuar marinsash tani po trajnojnë forcat tajvaneze.

Trajnerët u dërguan së pari në Tajvan nga administrata e ish-presidentit amerikan, Donald Trump, por prania e tyre nuk ishte raportuar deri më tani.

Raporti vjen derisa presidentja Tsai Ing-wen deklaroi të premten se Tajvani “do të bëjë gjithçka që duhet për të mbrojtur lirinë dhe mënyrën e saj të jetës demokratike”.

“Tajvani nuk kërkon konfrontim ushtarak”, tha ajo në një forum sigurie në Taipei. “Vendi shpreson për një bashkëjetesë paqësore, të qëndrueshme, të parashikueshme dhe reciprokisht të dobishme me fqinjët e saj. Por Tajvani gjithashtu do të bëjë gjithçka që duhet për të mbrojtur lirinë dhe mënyrën e saj demokratike të jetës”. /Telegrafi/