Pasi e rrëmbejnë arrin t’iu ikë nga vetura, arrestohet njëri nga të dyshuarit në Prishtinë

Disa të dyshuar e kanë marr me forcë një person me një veturë dhe kanë ikur në drejtim të panjohur.

Në raportin 24 orësh të Policisë së Kosovës, bëhet e ditur se ngjarja ka ndodhur të enjten rreth orës 21:50 në rrugën “Hamzë Jashari”, në Prishtinë.

Tutje bëhet e ditur se më pas viktima ka arritur që të ikë nga vetura e të dyshuarve.

“Fillimisht është raportuar se disa të dyshuar me një veturë me targa vendore, me forcë e kanë marrë viktimën mashkull kosovar dhe kanë ikur në drejtim të panjohur. Më pas viktima ka arritur që të ikë nga vetura e të dyshuarve”, thuhet në raport.

Po ashtu siç bëhet e ditur në raport, sipas viktimës, të dyshuarit nën kanosjen e armës e kanë futur në veturë, viktimës i është ofruar tretman mjekësor.

Gjithashtu në raport thuhet se është identifikuar vetura dhe njëri nga të dyshuarit mashkull kosovar i cili është arrestuar. Në vendbanimin e të dyshuarit është gjetur dhe sekuestruar një revole me një karikator.

Ndërkaq, me vendim të prokurorit i dyshuari është dërguar në mbajtje. Rasti vazhdon të hetohet. /Telegrafi/