Një asist i realizuar, por Hadërgjonaj nuk ia doli ta mposhte Aro Muricin nga penalltia në fitoren e thellë të Kasimpasas ndaj Adana Demirsporit

Kasimpasa e Florent Hadërgjonajt ka triumfuar përball Adana Demirsporit të Aro Muricit me rezultat 4-0 në kuadër të javës së 33-të në Superligën e Turqisë.

Dy reprezentuesit e Kosovës patën paraqitje të mirë, derisa gardiani ynë edhe pse pati katër gola të pranuara, ia doli të priste një penallti, e cila u ekzekutua pikërisht nga bashkëkombësi i tij.

Derisa Kasimpasa ishte duke fituar 1-0, Hadërgjonaj dhuroi një asistim te Jackson Muleka (45+1) për 2-0.

https://twitter.com/kosovo_49/status/1515704725433470985

Adanan Demirspori mbeti më pas me dhjetë lojtarë në fushë, shkaku që në minutën e 45+3, Mario Balotelli u ndëshkua direkt me karton të kuq.

Në 45 minutat e dytë, vendasit fituan një penallti, por Hadërgjonaj dështoi ta mposhte Aro Muricin, që ia diktoi anën dhe e priti goditjen e tij.

https://twitter.com/kosovo_49/status/1515703549942026253

Më pas, Kasimpasa shënoi edhe dy gola të tjerë, për të vulosur fitoren e tyre të thellë prej 4-0 ndaj Adana Demirsporit.

Pas javës së 33-të, Adana gjendet në vendin e pestë me 52 pikë, ndërsa Kasimpasa në të 11-in me 44 sosh. /Telegrafi/