Nikollovski: 10 milionë euro mbështetje për bujqit

Gjashtë mijë denarë grurë ose dy milionë euro më tepër nga subvencionet e deritanishme, një denar shtesë për kilogam elb të dorëzuar, tek blerësit e regjistruar për shkak të dëmeve dhe rendimentet e ulëta nga korrja e sivjetshme, 10% shtesë nga vlera e subvencioneve të deritanishme për kultivuesit e frutave dhe 10% shtesë për hektar bime farogjere për blegtorët, parashikojnë ndryshimet e Programit për mbështetje financiare në bujqësi dhe zhvillimin rural që e miratoi Qeveria gjatë seancës së mbrëmshme, përcjell Telegrafi Maqedoni.

Siç kumtoi sot ministri i Bujqësisë, Pylltarisë dhe Ekonomisë së Ujërave, Ljupço Nikollovski, konform ndryshimeve, mbështetje shtesë prej 10% për hektar do të marrin edhe 25 mijë vreshtarë dhe 15 kultivues të frutave.

”Me këtë drejtpërdrejt u dalim në ndihmë bujqve, ndërsa gjithsej 10 milionë euro e projektuara për mbështetje do të shkojnë në duart e pemëtarëve të vërtetë, vreshtarëve dhe blegtorëve. Kjo do të thotë mbështetje e prodhimtarisë vendore të ushqimit”, theksoi sot (4 gusht) Nikollovski në konferencën për shtyp, njofton AIM.

Ai poashtu informoi se është miratuar propozimi që të sigurohet 10 mijë euro të pakthyera për bujqit e rinj. /Telegrafi/