Ngricat pranverore dëmtuan bajamet dhe kajsitë në Maqedoni

Ngricat e pranverës para kohe morën frytet e një pjese të bajameve dhe kajsive. I ftohti i vonshëm pranveror sipas meteorologëve bujqësorë ka shkaktuar rënien e frutave tek një pjesë e pemëve me bërthamë, përcjell Telegrafi Maqedoni.

Sipas meteorologut bujqësor, Angelko Angjeleski, në disa pjesë të vendit do të ketë rrallim të rendimentit të bajameve dhe kajsive që ishin pranë fazës së formimit të frytit. Pemët tjera tani për tani nuk kanë probleme serioze.

“Ka shumë preparate kundër ngrirjes. Është sikur antifrizi tek makinat. Këto preparate janë për pemët. Ka të tilla të cilat përdoren për shembull nëse ka paralajmërim për ngrica mëngjesin e nesërm, mund të spërkaten, por ka edhe preparate me efekt të zgjatur deri më 6 ditë, me atë që në fazën e lules, ka rezultate solide”, deklaroi meteorologu bujqësor, Angelko Angjeleski.

Për shkak të rendimentit më të ulët të pemëve këtë vit, sikur edhe vitin e kaluar, kajsitë dhe bajamet pritet të jenë me çmim më të lartë pasi do të jenë në sasi më të vogla./Telegrafi/