Nga tifozët, bashkëlojtarët e trajneri – të gjithë te Juve të hidhëruar me Rabiot

Adrien Rabiot ka qenë shumë me fat që nuk u përjashtua me karton të kuq vetëm disa minuta pasi ia lejoji Villarrealit ta barazonte rezultatin kundër Juventusit në Ligën e Kampionëve.

Zonja e Vjetër ishte në epërsi që nga fillimi i ndeshjes, mirëpo mesfushori është konsideruar fajtor që e lejoi Dani Parejon të vraponte pas tij dhe t’i barazonte shifrat.

Ky veprim ka nxitur pakënaqësi te tifozët e Bianconerëve, te bashkëlojtarët dhe te Massimiliano Allegri, të cilit kishin reaguar në këtë moment.

🤔 #VillarrealJuventus pic.twitter.com/BzupGAYhYu

— Giovanni Capuano (@capuanogio) February 22, 2022

Sipas gazetarëve të Canale 5 që ndodheshin në fushë, trajneri sapo e kishte paralajmëruar për këto vrapime prapa tij vetëm pak minuta para golit. Bashklëlojtari Matthijs de Ligt i bërtiti që e lejoi të ndodhte kjo.

Lexo po ashtu Villarreal dhe Juventus ndahen baras në aktin e parë

Në vazhdim, disa minuta më pas, Rabiot ishte me fat që VAR nuk ndërhyri për ta përjashtuar me karton të kuq për ndërhyrjen e rëndë në Samu Chukwueze, ashtu që shpëtoi vetëm me të verdhë.

Tifozët e Juves e zbrazën mllefin e tyre në rrjetet sociale, madje disa prej tyre thoshin se francezi duhej shitur para se të përfundonte ndeshja.

Të tjerët pohonin se bardhezinjtë ishin të pafat që mesfushori nuk u përjashtua sepse do të luanin më mirë pa të. /Telegrafi/

https://twitter.com/FootbaIlForYou/status/1496234996784578560