Nga pranvera, qytetarëve rusë do t’ju ndalohet të blejnë pasuri të paluajtshme në Finlandë

Finlanda po përgatitet t’ua ndalojë plotësisht qytetarëve rusë të blejnë pasuri të paluajtshme në këtë vend këtë pranverë, tha ministri i Mbrojtjes, Antti Hakanen.

Hakanen tha se po punon “për një ndalim të plotë” të shitjes së pasurive të paluajtshme rusëve në Finlandë, dhe tani po kërkon “bazën ligjore” të nevojshme për ta bërë këtë.

Ai gjithashtu vuri në dukje se Finlanda planifikon të shtrëngojë kushtet për dhënien e lejeve të pasurive të paluajtshme për personat dhe kompanitë nga vendet jashtë BE-së dhe Zonës Ekonomike Evropiane (EEA).

Sipas Hakanen, zgjidhjet do të gjenden në pranverë. Në Finlandë, rregulla më të rrepta për rusët dhe përfaqësuesit e tjerë të vendeve jashtë EEA, kanë qenë në fuqi prej disa vitesh.

Rregullat u shtrënguan për herë të fundit në fillim të vitit 2023, duke i dhënë Departamentit të Mbrojtjes kompetenca të gjera për të hetuar se nga vijnë paratë për transaksionet e pasurive të paluajtshme, dhe duke i dhënë qeverisë të drejtën të parandalojë pronat që ndodhen më pak se një kilometër nga objektet ushtarake ose kufitare.

Më 4 nëntor 2022, ministria finlandeze e Mbrojtjes njoftoi formimin e një grupi të posaçëm për të hetuar kufizime shtesë në transaksionet e pasurive të paluajtshme për qytetarët e vendeve jashtë EEA, duke përfshirë ndalimin e tyre të plotë.