Nga fitorja me Interin pa humbje, Milani që po ‘fluturon’ luan të gjithë sezonin në 20 ditët e ardhshme  

Që kur e kishte mposhtur Interin me 27 dhjetor të vitit të shkuar në Kupën e Italisë, Milani vazhdon ‘fluturimin’, ndërsa në 12 ndeshje ka marr nëntë fitore dhe tri barazime. 

Por fitorja në Roma ishte më e ëmbla duke e konfirmuar momentin e mirë.

Tani kuqezinjtë janë rikthyer në garë për Ligën e Kampionëve, në gjysmëfinale të Kupës së Italisë dhe vazhdon të mbetet në garë në Ligën e Evropës.

Por duke filluar nga mesjava deri me 15 mars, në tri garat ka ndeshje vendimtare.

Gjithçka nis të mërkurën në mbrëmje, kur e luan ndeshjen kthyese të Kupës së  Italisë, në ‘Olimpico’ ndaj Lazios.

Ndeshja e parë ishte mbyllur pa gola dhe të mërkurën do të vendoset se kush do të shkojë në finale.

Të dielën pastaj vjen ndeshja me Interin në ‘Derbin e Madonnina’, ku një fitore e afron në katër pikë me zikaltërit, dhe seriozisht në garë.

Pastaj ndeshjet vendimtare me 8 dhe 15 mars ndaj Arsenalit.

Nëse Milani në këtë përballje fiton, atëherë do të jetë konkurrent i fortë edhe në këtë garë. /Telegrafi/