Komisioni Qendror i Zgjedhjeve ka përfunduar sot procesin e hedhjes së shortit për renditjen e subjekteve politike në fletëvotim për zgjedhjet e 28 dhjetorit. Numrat e renditjes për këtë proces variojnë nga 111 deri në 134, dhe subjektet politike tashmë kanë marrë pozicionet e tyre zyrtare.
Renditja e subjekteve të mëdha politike në fletëvotim:
116 – Lëvizja Vetëvendosje (LVV)
122 – NISMA Socialdemokrate
123 - Lidhja Demokratike e Kosovës (LDK)
127 – Lista Serbe
129 – Aleanca për Ardhmërinë e Kosovës (AAK)
130- Partia Demokratike e Kosovës (PDK)
Gjatë dy javëve të fundit, KQZ ka zhvilluar përgatitje intensive për mbarëvajtjen e këtij procesi zgjedhor, duke përfunduar me sukses një nga hapat më të rëndësishëm – përcaktimin e renditjes së partive në fletëvotim.
Në vijim të këtij procesi, KQZ do të kalojë në fazat tjera teknike, përfshirë miratimin e dizajnit dhe përmbajtjes së fletëvotimeve, si dhe përgatitjet për votimin me postë për qytetarët që jetojnë jashtë vendit.
Kryesuesi i KQZ-së, Kreshnik Radoniqi, u bëri thirrje të gjitha subjekteve politike që të tregojnë përgjegjësi dhe etikë gjatë procesit zgjedhor.
“Ftoj të gjitha subjektet politike dhe kandidatët që angazhimin e tyre ta zhvillojnë në frymë të bashkëpunimit, respektit dhe përkushtimit ndaj rregullave dhe ligjeve zgjedhore,” deklaroi ai.
Renditja e subjketeve tjera politike:
111 – Nova Demokratska Stranka (NDS)
112 – Kosova Demokratik Turk Partisi (KDTP)
113 – Partia Balli Kombëtar Demokrat Shqiptar
114 – Fjala
115 – Lëvizja Përparimtare e Romëve të Kosovës
116 – Lëvizja Vetëvendosje (LVV)
117 – Nisma Qytetare për Kosovë
118 – JGP Paria Unike Gorane
119 – Kandidati i pavarur Nexhmedin Sedillar
120 – Partia Liberale Egjiptiane
121 – Kosovski Savez
122 – NISMA Socialdemokrate
124 – Kosovaki Nevi Romani Partia
125 – Koalicioni PAI-PDAK-LPB
126 – Unioni Socialdemokrat (SDU)
127 – Lista Serbe
128 – Iniciativa e Re Demokratike e Kosovës
129 – Aleanca për Ardhmërinë e Kosovës (AAK)
131 – PSA
132 – Koalicioni Vakat
133 – Partia Rome e Bashkuar e Kosovës
134 – Za Slobodu Pravdu i Opstanak ./Telegrafi/
