Neymar, mbreti i asistimeve në Ligën e Kampionëve: Cilësohet si vetjak, por lë pas Ronaldon, Messin e shumë të tjerë në këtë aspekt

Robert Lewandowski ka qenë në formë të madhe në Evropë këtë sezon, por as Neymar nuk ka qenë keq.

Braziliani ka qenë vendimtar në raundet nokaut të kësaj gare, duke e çuar Paris Saint-Germain në finalen e tyre të parë në histori.

Neymar shënoi dy gola kundër Borussia Dortmund në 1/16, siguroi asistim ndaj Atalantas, ndërsa ishte edhe ideator i golit të fitores, kur asistoi te Kylian Mbappe i cili gjeti Eric Maxim Choupo-Moting që shënoi për golin e fitores.

Ai shkaktoi shumë probleme RB Leipzig, duke regjistruar po ashtu një asistim.

Këto janë disa nga arsye e mjaftueshme për ta cilësuar atë si një nga lojtarët më të mirë të turneut, pavarësisht nëse ai fiton çmimin apo jo.

E vërteta është se që kur Neymar u bashkua me Barcelonën në verën e vitit 2013, ai gjithmonë ka performuar mirë në Evropë.

Ai ishte në gjendje të fitonte trofeun më të dëshiruar të Evropës në sezonin e tij të dytë (2014/15) në Camp Nou , ndërsa ai ishte edhe golashënuesi më i mirë i garë në atë edicion me 10 gola.

Goli i tretë i 28-vjeçarit në finalen e Berlinit 2015 kundër Juventusit ose performanca e tij në fitoren e pabesueshme 6-1 të Barcelonës kundër PSG do të kujtohet gjithmonë nga tifozët e futbollit në të gjithë botën.

Rekordet e Neymar

Në 59 ndeshje, Neymar ka shënuar 35 gola, ka ngritur trofeun në një rast, ka qenë golashënuesi më i mirë në një sezon, ka siguruar më shumë asistime plot 28 herë.

Edhe pse nga shumë njohës të futbollit cilësohet si ‘vetjak’, sa i përket asistimeve, askush nuk ka dhënë më shumë se ai prej se ka zbarkuar në Evropë nga viti 2013.

Për më tepër, dy shfaqjet e fundit të Neymar kundër Atalanta dhe Leipzig e kanë bërë që ai të distancohet nga konkurrentët e tij.

Asistuesit në Ligën e Kampionëve nga sezoni 2013/2014

Cristiano Ronaldo ka 25 asistimi si më i afërti me brazilianin, ndërsa portugezi ka luajtur 78 ndeshje në Ligën e Kampionëve, 19 më shumë se Neymar, prej ardhjes së brazilianit.

Pas tyre janë Angel Di Maria dhe Lionel Messi me 20, përkatësisht 17, ndërsa James Milner mbyll pesëshen e parët me 15 asistime. /Telegrafi/