Neville: Mourinho garanton sukses për Man Unitedin

Ish-mbrojtësi i Manchester Unitedit, Phil Neville beson se menaxheri Jose Mourinho ka ngjitur përsëri rrugën e mbarë te Djajtë e Kuq dhe ai i garanton suksese skuadrën nga Old Trafford.

Pavarësisht nga një fillim mahnitës në këtë sezon, Djajtë e Kuq kanë luftuar për të rivalizuar me fqinjët e Manchester Cityt dhe e gjejnë veten 11 pikë pas rivalëve të tyre të ashpër në Ligën Premier.

Legjenda e klubit, Neville, i pyetur nëse ai mendonte se Mourinho ishte njeriu i duhur për të kthyer Unitedin në ditët e tyre të lavdishme, ai u përgjigj pozitivisht.

Lexo po ashtu Cesar: Mourinho ishte më shumë se një baba për mua

“Po, unë 100 për qind mendoj se ai është i duhur”, ka thënë fillimisht Neville për Sky Sports.

“Mendova se ai kishte një sezon fantastik vitin e kaluar, por mendoj se Unitedi është përmirësuar edhe më shumë këtë vit”.

“Do të jetë shumë e vështirë për ta për të fituar ligën, por ju shikoni shortin e Ligës së Kampionëve.

Lexo po ashtu Van Gaal: United më i bezdishëm nën drejtimin e Mourinhos

“Ai është lloji i menaxherit që do të sjellë sukses”.

“Rekordet e tij, historia e tij, ai është pothuajse i garantuar kështu që unë mendoj se ai është njeriu i duhur”, përfundoi ish-mbrojtësi anglez. /Telegrafi/