Nesër në Shkup shkallë e parë e sigurisë, Donald Tusk dhe presidentët e rajonit vizitojnë vendin

Kryetari i Këshillit të Evropës, Donald Tusk, shtatë presidentë dhe një kryeministër, do të jenë mysafirë të presidentit Gjorge Ivanov, i cili është nikoqir i takimit të liderëve të vendeve të procesit Brdo-Brioni, që nesër do të mbahet në Shkup.

Zyrtarisht pjesëmarrjen e tyre e kanë konfirmuar presidenti i Kroacisë Kolinda Grabar Qitaroviq, i Sllovenisë Borut Pahor, Serbisë Aleksandar Vuçiq, Malit të Zi Filip Vujanoviq, Shqipërisë Ilir Meta, Kosovës Hashim Thaçi, si dhe i Bosnjës e Hercegovinës Bakir Izetbegoviq, përcjell Telegrafi Maqedoni.

Si mysafirë special në këtë takim, për në Shkup do të udhëtojnë edhe kryetari i Këshillit të Evropës, Donald Tusk dhe kryeministri i Bullgarisë, Boyko Borisov.

Në Shkup nesër do të vendoset siguria e shkallës së parë, për shkak të pjesëmarrjes së udhëheqësve të njohur, edhe atë siguri do të ketë edhe në ajër edhe në tokë. Helikopterët do ta mbikëqyrin kryeqytetin, ndërsa do të ketë edhe regjim të posaçëm në komunikacion./Telegrafi/