Nëse pagjumësia do të ishte garë, gratë do e fitonin!

Një studim i ri që krahason gjumin e dobët midis më shumë se një milion të rriturve dhe fëmijëve në Mbretërinë e Bashkuar, Hollandë dhe Shtetet e Bashkuara zbuloi se gratë përjetojnë më shumë probleme të pagjumësisë sesa burrat në të tre vendet.

Trendi shfaqet gjatë pubertetit, “duke sugjeruar se faktorë si hormonet seksuale, stresi apo prindërimi në vazhdim”, mund të kontribuojnë në zhvillimin e pagjumësisë tek gratë, sipas studimit të botuar të hënën në revistën Nature Human Behavior.

Studimi gjithashtu zbuloi se gratë përdorin më shumë ilaçe për gjumë sesa burrat. Megjithatë, përkundër luftës së grave për të fjetur dhe përdorimit të mjeteve ndihmëse të gjumit, gratë nuk raportuan më shumë përgjumje se burrat gjatë ditës. Përveç grave, duhanpirësit, njerëzit me mbipeshë dhe njerëzit me origjinë jo-evropiane kishin më shumë gjasa të përjetonin gjumë të dobët, zbuloi studimi.

Gjetje të tjera shqetësuese: Më shumë se gjysma e fëmijëve mes moshës 14 dhe 17 raportuan se flinin më pak sesa rekomandon mjeku (8-10 orë në natë). Adoleshentët gjithashtu kishin më shumë gjasa të raportonin përgjumje sesa grupmoshat e tjera.

Simptomat e pagjumësisë, të tilla si vështirësia për të rënë dhe për të qëndruar në gjumë, rriteshin me rritjen e fëmijëve. Ndërsa disa nga hulumtimet u bënë në laboratorët e gjumit duke përdorur matje objektive, shumica u mbështetën në atë që njerëzit thanë për zakonet dhe cilësinë e tyre të gjumit. Një hulumtim i tillë nuk është aq i fortë, thanë autorët, por madhësia dhe qëllimi i hulumtimit u jep mjekëve njohuri për funksionimin e përditshëm.

Çfarë të bëni?

• Luftoni kundër pagjumësisë dhe problemeve të tjera të gjumit duke krijuar dhe duke bërë pjesë të jetës suaj disa zakone të shëndetshme.

• Shkoni në shtrat dhe ngrihuni prej tij në të njëjtën orar çdo ditë, madje edhe gjatë fundjavave. Fillimi do të jetë i vështirë, por më pas do të mësoheni.

• Ushtrohuni rregullisht për të zvogëluar stresin dhe për të përmirësuar gjumin. Edhe  të bëni thjesht ecje çdo ditë, do t’ju ndihmojë shumë.

• Mos hani ushqime të yndyrshme ose me erëza afër gjumit, pasi mund të shqetësojnë stomakun tuaj.

• Shmangni kafeinën pas orës 3 pasdite.

• Shmangni konsum të lartë të alkoolit të paktën katër orë para gjumit dhe mos pini duhan.

• Kini kujdes të mos dremitni më shumë se 45 minuta gjatë ditës.

• Mbani dhomën tuaj të gjumi të ventiluar mirë dhe mos e bëni dhomën shumë të ngrohtë ose shumë të ftohë, pasi kjo e bën zgjimin dhe ngritjen nga krevati më të vështirë.

• Kur flini, bllokoni çdo zhurmë dhe fikni çdo ditë, madje dhe dritën e vogël që bën laptopi kur është në karikim. .Anabel/CNN/Telegrafi/