Nëse ndodheni në mes të një grabitjeje: Mos e bëni këtë rastësisht – shpëtoni jetën tuaj dhe të të tjerëve!

Para së gjithash – hiqni dorë nga heroizmi që shohim në filma

Qe çfarë nuk duhet të bëni dhe çfarë është e dëshirueshme, nëse e gjeni veten në mes të një grabitjeje, ballë për ballë me grabitësin, transmeton Telegrafi.

1. Mos e luani heroin

Është mirë që t’i frenoni karakterin dhe idetë tuaja heroike dhe të shmangni ballafaqimin me grabitësin. Kjo mund ta përkeqësojë situatën dhe të provokojë agresivitet te grabitësit. Edhe nëse ju duket se ai nuk është i armatosur, ju kurrë nuk e dini këtë, kështu që është më mirë të mos e përkeqësoni situatën.

2. Mos bëni lëvizje të vrullshme

Grabitësi mund ta shohë çdo lëvizje tuajën si një sulm të mundshëm. Grabitësit, në përgjithësi, janë shumë nervozë dhe çdo lëvizje juaja e vrullshme mund të shkaktojë fatkeqësi. Nëse duhet të ndryshoni pozicionin tuaj, është më mirë t’i tregoni atij, në mënyrë që ai të mos befasohet dhe të reagojë me nxitim.

3. Mbani në mend detajet

Ky informacion mund të jetë i dobishëm për policinë. Kushtojini vëmendje qëndrimit të tij, karakteristikave të trupit, qëndrimit, erës, këpucëve … Edhe detajet e parëndësishme mund të jenë vendimtare. Mos harroni gjithashtu nëse ata kanë prekur disa sipërfaqe me gishta të zhveshur dhe mos i prekni ato sipërfaqe më vonë.

4. Shmangni befasitë për grabitësin

Tregoji atij nëse e di që dikush duhet të vijë. Duke fshehur këtë informacion, ju rrezikoni jetën e personit që është duke shkuar në vendin e grabitjes.

5. Shmangni kontaktin e gjatë me sy

Një grabitës mund të mendojë se po e provokoni ose e keni njohur, kështu që mund të ndodhin reagime të papritura.

6. Jepini atij atë që kërkon

Grabitësit zakonisht kërkojnë para dhe ia japin atij. Mundohuni të qëndroni të qetë dhe shmangni debatet me të. Asgjë nuk është më e vlefshme se jeta.

/Telegrafi/