Nëse mendoni se Maroku është me fat në këtë Botëror, atëherë gaboheni – e gjitha nisi në vitin 2009

Një temë e detajuar se si Maroku ka arritur të bëhet kombi i parë afrikan që arrin një gjysmëfinale të Kampionatit Botëror është bërë virale.

Walid Regragui bëri histori të shtunën pasdite falë goditjes me kokë të Youssef En-Nesyrit në fitoren 1-0 ndaj Portugalisë.

Maroku po bëhet shpejt skuadra e preferuar e të gjithëve në turne falë shpirtit të tyre luftarak dhe gatishmërisë për të punuar së bashku për sukses.

Megjithatë, mos u mashtroni. Një sasi e konsiderueshme e punës në prapaskenë ka kontribuar në suksesin e fundit të Marokut.

Sipas Eurofoot, Mbreti Mohammed VI shpenzoi 15 milionë euro nga paratë e tij për të ndihmuar në ‘riformimin’ e futbollit ndërkombëtar në vend në vitin 2009.

Në atë kohë, Maroku kishte dështuar të kualifikohej në dy Kampionate Botërore të mëparshme. Ai e dinte se diçka duhej të ndryshonte për suksesin afatgjatë të vendit të tij.

E quajtur “Akademia e Futbollit Mohammed VI”, lojtarët u lejuan të shfaqin aftësitë e tyre për të arritur në një ligë futbolli profesionist.

Mohammedi VI e mbushi kompleksin me pajisje moderne pasi u zhgënjye nga ofertat e mëparshme.

Ai përfshin tetë fusha të standardeve të FIFA-s, përveç një fushe të brendshme që ishte si zonë klimatike.

Akademia kishte një hotel me katër yje së bashku me një mjek privat, dentist dhe shkollë gjithashtu. Zhvillimi në një nivel personal ishte gjithashtu kyç, me të pranishmit që ishin midis moshës 13 dhe 18 vjeç.

Tre anëtarë të skuadrës me 26 lojtarë të Marokut për turneun madhor u diplomuan nga “Akademia e Futbollit Mohammed VI”.

En-Nesryi, Azzedine Ounahi dhe Nayef Aguerd janë të gjithë pjestarë, duke luajtur respektivisht për Sevilla, Angers dhe West Ham United në nivel klubi. Duhet të supozoni se do të ketë më shumë në të ardhmen.

Që nga krijimi i akademisë, Maroku ka arritur të jetë gjithmonë pjesë e turneut madhor për herë të parë në historinë e tyre. Ata u eliminuan në fazën e grupeve në vitin 2018, por tashmë kanë lënë gjurmë në Katar.

Pas ndeshjes me Portugalinë, Regragui deklaroi: “Tani po bëhemi skuadra që të gjithë e duan në këtë Botëror, sepse po tregojmë se edhe nëse nuk ke aq talent dhe para, mund të kesh sukses”.

“Ne i kemi bërë njerëzit tanë dhe kontinentin tonë kaq të lumtur dhe krenarë. Kur shikoni Rockyn, ju dëshironi të mbështesni Rocky Balboan dhe unë mendoj se ne jemi Rocky i këtij Botërori. Unë mendoj se tani bota është me Marokun”, ka shtuar ai.

Maroku e di se detyra e tyre e radhës është më e vështira nga të gjitha. Kampionia në fuqi e botës, Franca, mbrëmjen e së mërkurës është përballë tyre. Pavarësisht se çfarë ndodh, ata kanë vendosur pikë referimi për çdo komb që duhet të ndjekë modelin e tyre. /Telegrafi/