Komuna e Vushtrrisë ka njoftuar se në bashkëpunim me ndërmarrjen publike lokale “Përparimi” kanë filluar të shpërndahen faturat për shërbimin e mbeturinave në të gjitha fshatrat dhe në qytet.
Komuna ka bërë thirrje që të gjithë qytetarët që kanë borxhe të papaguara për shërbimet e mbeturinave t’i kryejnë këto pagesa deri më 31 tetor 2024, shkruan Telegrafi.
Në njoftimin e Komunës u bëhet lutje qytetarëve që të respektohet ky afat.
Tutje bëhet e ditur se rastet sociale janë të liruara nga këto pagesa. /Telegrafi/
