Në takimet mes partive nuk është diskutuar Demarkacioni

Në takimet mes partive politikë në vend dhe iniciuesit të këtyre takimeve Naim Rashiti nga Grupi Ballkanik e të monitoruar nga ambasadorët e huaj, nuk është diskutuar ende për çështjen e Demarkacionit.

Kështu së paku deklaron vetë Naim Rashiti, si nikoqir i takimit. Ai thotë për lajmi.net se nga 6 takime sa janë mbajtur deri më tani, është duke u punuar që të hartohet një platformë për të diskutuar për Demarkacionin.

“Qëndrimet e palëve për demarkacionin nuk ka ndryshuar. Ideja jonë është që të krijohet një platformw ku mund të dialogohet, negociohet, për çështjen e demarkacionit. Nuk po dialogojmë për demarkacionin, por për një platformë të përbashkët për të zhvilluar negociata për Demarkacionin”, ka thënë Rashiti.

Duke folur për hartimin e kësaj platforme, ai ka thënë se janë duke punuar që të përfundojë sa më shpejt, duke treguar se edhe në këtë aspekt ka dallime mes partive politike.

Këtu është njëfarë parakushti për negocim.

“Nuk mund të them asgjë kur do të përfundojë, janë disa pika për të cilat jemi pajtuar por ka edhe disa pika që nuk jemi pajtuar”, ka thënë Rashiti.