Në shitje do të jenë vetëm tri të tilla dhe për këtë Alpine A110S ju duhet të paguani 125,000 euro

Kompania franceze e makinave thotë se Alpine A110S, trupi i së cilës “u pikturua” nga artisti argjentinas Felipe Pantone, do t’u pëlqejë më shumë koleksionistëve dhe artdashësve.

Sipas mediave të huaja, përcjell Telegrafi, edicioni i fundit i posaçëm i kësaj veture është rezultat i një bashkëpunimi midis prodhuesit të njohur të automjeteve franceze dhe artistit argjentinas Felipe Pantone.

Siç thuhet më tej, makina “e pikturuar” në mënyrë interesante kushton shumë më shumë sesa Alpine A110S standarde e përdorur si bazë e projektit.

Lajmi i shkëlqyeshëm për koleksionistët më të mirë është se Alpine do ta bëjë “makinën e saj të artit” (e cila mund të shërbejë edhe si dekor i dhomës së ndenjes) në vetëm katër kopje, njëra prej të cilave mbetet pronë e Alpine.

Kujtojmë se Alpine A110S mundësohet nga motori turbo me benzinë me katër cilindra me 1.8 litra i vendosur në qendër që zhvillon 292 kf dhe 320 Nm çift rrotullues maksimal, i cili është i mjaftueshëm për të përshpejtuar nga 0 në 100 km/h në 4.4 sekonda dhe 260 km/orë.

Ndërsa transmetimi i fuqisë bëhet përmes transmetuesit automatik me 7 shpejtësi.

Sa i përket çmimit, kjo veturë do të shitet për rreth 125 mijë euro (152 mijë dollarë), përfshirë taksat – një rritje e konsiderueshme mbi çmimin e përafërt të 75,000 dollarë të modelit të rregullt A110S. /Telegrafi/