Në qytetin e Strumicë u protestua kundër gërmimeve në minierën “Ilovica”

Një numër i madh qytetarësh morën sot në marshimin e protestës në Strumicë kundër gërmimit të minierës “Ilovica”. Në protestë, qytetarët e Strumicës dhe zonës përreth shprehën revoltën e tyre kundër ndërtimit të minierës, duke kënduar “Ndal për Ilovicën”, “natyra dhe shëndeti para fitimit”, përcjell Telegrafi Maqedoni.

“Nuk do të ketë mina të tilla në juglindje, një mjedis i shëndetshëm është i nevojshëm, ushqim i shëndetshëm për një komb të shëndetshëm,” thonë qytetarët që kanë kohë që po luftojnë për të ruajtur mjedisin e shëndetshëm në këtë pjesë të Republikës së Maqedonisë, përmes përpjekjeve të ndryshme për të ndaluar ndërtimin e minierës për të cilën ata e mendojnë si një eko bombë të kohës.

Që kur u ndryshua qeveria, kryeministri Zaev deklaroi se personalisht ai, por edhe qeveria janë kundër minierave dhe se do të bëjnë gjithçka që të mbrojnë mjedisin dhe jetën e qytetarëve.

Ndërsa nga kompania koncesionere “Euromaks resursi” thonë se miniera e bakrit dhe arit është krejtësisht e sigurt për mjedisin dhe shëndetin e qytetarëve dhe është një shembull i minierave të përgjegjshme dhe moderne. /Telegrafi/