Ministri i Shëndetësisë, Arben Vitia në Ditën Botërore të shëndetit oral ka vizituar Klinikën Stomatologjike në QKUK.
Me këtë rast Vitia ka njoftuar se në Kilinikën e Ortopedisë së nofullave tash e tutje do të jepen shërbimet e terapisë fikse, si shërbim publik për të gjithë, veçanërisht dhe më së pari fëmijët.
Postimi i plotë:Sot është Dita Botërore e shëndetit oral. Në Qendrën Klinike Stomatologjike Universitare, në Klinikën e Ortopedisë së nofullave tash e tutje do të jepen shërbimet e terapisë fikse, si shërbim publik për të gjithë, veçanërisht dhe më së pari fëmijët. Shëndeti oral nuk është luks as thjesht estetikë. E sot edhe Ardi, e mori këtë shërbim publik, në QKSUK. Pavarësisht pozitës ekonomike të familjes çdo fëmijë meriton trajtimin e duhur dhe në kohë. Këtë duhet dhe po e ofron sistemi ynë publik. Mirëqenia e buzëqeshja e fëmijëve është detyrë e institucioneve shëndetësore publike. /Telegrafi/
