Në dhjetor premiera e “Bumblebee”, vazhdimit të ri të “Transformers”

Është lansuar paraqitja e parë e shkurtër e filmit fantastiko-shkencor, “Bumblebee”, që është nënvazhdimi (‘spin-off’) i parë i “Transformers”.

Ngjarja e filmit me regji të Travis Knight është vendosur në vitin 1987, kur Bumblebee gjen një vend strehimi në një qytet të vogël bregdetar në Kaliforni.

Të prishur dhe të dëmtuar, atë e gjen 18-vjeçarja Charlie (rol që portretizohet nga Hailee Steinfeld).

Ndërsa pasi ta rregullojë e kupton se nuk është fjala për një automjet të zakonshëm, VW Beetle.

Lorenzo di Bonaventura dhe Michael Bay janë producentë të filmit të ri, të cilët po ashtu kanë qenë producentë edhe të “Transformers”.

Ndërkaq, producentë ekzekutivë janë Steven Spielberg, Brian Goldner dhe Mark Vahradian. Skenarin e ka shkruar Christina Hodson.

Krahas Hailee Steinfeld, në këtë film luajnë edhe John Cena, Pamela Adlon, Stephen Schneider, Jorge Lendeborg, Jason Drucker, Kenneth Choia, Richard Hoyos, Abby Quinn, Rachel Crow, Grace Dzienny e John Ortiz.

Premiera e “Bumblebee” do të jepet me 21 dhjetor në Amerikë, ndërsa pastaj do të nisë shfaqja nëpër vende tjera të botës. /Telegrafi/