Në Britani janë mbledhur më shumë se 160 mijë tonë molla (Video)

Në tokat pjellore të pjesës perëndimore të Britanisë janë mbledhur më shumë se 16o mijë tonë molla. Gjithë kjo punë është fituar si rezultat i metodave të ndryshme bujqësore.

Adam Powell është fermer. Ai tregon se puna në këtë vend ka filluar që 50 vite më parë, transmeton RTV Dukagjini. “Pjesë e mbjellës në këto fusha kanë qenë lloje të ndryshme të pemëve. Mirëpo asnjëherë nuk kemi qenë të kënaqur me sasinë që e fitonim çdo vit, kështu që vendosem të koncentrohemi vetëm në molla”, ka theksuar ai.

Sipas tij, gjithë sasia e mollëve është mbledhur nga qindra punëtor dhe puna ka zgjatur më shumë se katër muaj. Të gjitha janë dërguar në fabrikë ku janë kryer proceset e nevojshme deri te paketimi i tyre. Procesi përfundimtarë ka qenë shpërndarja ne vendet që ishin të destinuara për eksport.

Supozohet që shija e tyre është më e ëmbla që ka mundur të mbillet ndonjëherë dhe gjithë kjo ka qenë si rezultat i kërkesës së konsumatorëve britanik, transmeton RTV Dukagjini.

Adam ka zgjeruar punën duke mbjellur rreth 130 lloje të mollëve. Besohet që kultivimi i tyre nuk është vetëm rezultat i motit, por edhe i përdorimit të teknologjisë gjatë prodhimit, duke shtuar se është janë krenar për punën e bërë./RTV Dukagjini/Telegrafi/