Ndryshon mënyra e pagesave, qytetarët e Maqedonisë më shpesh po përdorin kartela pagesore

Pagesat me kartela pagesore në tregti në tremujorin e tretë shënuan rritje. Janë rritur pagesat nëpërmjet internetit dhe pagesat në vendet e shitjes. Ulje ka te transferimet kreditore.

Banka Popullore regjistroi rritje të lartë vjetore prej 175 për qind të numrit të pagesave me kartela pagesore përmes internetit, e cila është pothuajse pesë herë më e lartë se rritja vjetore në të njëjtin tremujor të vitit të kaluar. Sipas statistikave të pagesave të publikuara nga Banka Popullore, është realizuar edhe rritje vjetore prej 36.8 për qind e pagesave në pikat fizike të shitjes, e cila është dukshëm më e lartë se rritja vjetore në të njëjtin tremujor të vitit të kaluar (22.3 për qind).

Këto të dhëna tregojnë se qytetarët kanë filluar të përdorin përfitimet e bankave elektronike dhe të ndryshojnë zakonet e tyre të pagesave, gjegjësisht të përdorin kartelat pagesore më shpesh kur bëjnë pazar.

Për të bërë pagesën qytetarët shpesh kanë përdorur aplikacione celulare. Numri i pagesave celulare u rrit në 84.2 për qind të konsiderueshme në bazë vjetore, e cila është më shumë krahasuar me tremujorin e tretë të vitit të kaluar kur kjo përqindje ishte 49.3.

Përveç kësaj, trendi i përdorimit të kompjuterit gjatë pagesave nga qytetarët vazhdon. Konkretisht, në këto pagesa, në tremujorin e tretë, është regjistruar rritje e lartë vjetore prej 20.1 për qind, që është katër herë më shumë krahasuar me të njëjtën periudhë të vitit të kaluar.

Nga ana tjetër, kushtet e imponuara nga pandemia Kovid-19 kanë ndikim negativ në pagesa duke përdorur instrumentin e transferimit të kredisë, ku ka rënie vjetore prej 4.4 për qind në numër dhe 4.9 për qind në vlerën e transaksioneve. Banka Popullore gjithashtu regjistroi rënie vjetore prej 34.4 për qind në numrin e transferimeve të kredisë në letër krahasuar me rritjen vjetore në tremujorin e tretë të vitit të kaluar kur ishte 8.5 për qind.

“Ndryshimi i zakoneve të qytetarëve në kushtet e lëvizjes së kufizuar për shkak të pandemisë kontribuoi në rritjen mbresëlënëse vjetore të pagesave të tyre me kartela pagesore online në vend me 141 për qind, si dhe transferimet e kredive të filluara në mënyrë elektronike me 28 për qind gjatë të tre tremujorëve nga viti 2020”, thonë nga Banka Popullore.