Ndryshimet e mundshme në skenën CS:GO

Tashmë kanë filluar ditët e pushimeve për ekipet profesionale të CS:GO, të cilat do të jenë larg garave për më shumë se dy javë, e gjatë kësaj kohe pritet të ketë ndryshime të mëdha në formacione të ekipeve.

Ekipi kryesor, i cili pritet të ketë ndryshime të mëdha, është ekipi G2, të cilët së fundmi kanë lajmëruar se kapiteni i tyre, ‘AleksiB’, është i lirë që të eksplorojë për mundësi të reja.

Sipas një raporti nga 1pv.fr, gjithashtu lojtari tjetër i ekipit G2, Audric “⁠JACKZ⁠” Jug është lejuar të eksplorojë opsione jashtë ekipit, gjatë kësaj kohe sa ekipet janë në pushim nga garat.

JACKZ free to explore options outside of G2 – Report https://t.co/SQVKFz3BIx

— HLTV.org (@HLTVorg) July 19, 2022

Gjithashtu ekipi Vitality është duke kërkuar zëvendësime për lojtarin Kevin “⁠misutaaa⁠” Rabier, e caku i tyre kryesor në vend të këtij të fundit, siç duket, është ylli i ekipit ENCE, Lotan “⁠Spinx⁠” Giladi.

Ndryshime u përfolën edhe për ekipin shqiptar, Bad News Eagles, ku së fundmi streameri i njohur ‘Lobanjicaa’, përhapi fjalë se Rigon “rigoN” Gashi do të largohet nga ekipi Bad News Eagles, për të kaluar në ekipin G2, por një gjë e tillë nuk është konfirmuar as nga ekipi G2, e as nga lojtari shqiptar. /Telegrafi/

Well… its out now… My announcement and statement coming out soon as well… +@rigoNcs and myself is happening. 👀

Thank you @G2NiKo for this opportunity.

— Lobanjica (@LobanjicaCS) July 16, 2022