Ndodh për herë të parë në futbollin anglez, gjyqtari Attwell prezanton risinë mbi vendimin e VAR-it

Njoftimi i parë për gjithë stadiumin për vendimin e VAR-it u bë në ndeshjen Tottenham Hotspur-Liverpool të mërkurën mbrëma, ku të gjithë tifozët patën të njëjtën pamje pasi panë momentin historik.

U konfirmua se për gjysmëfinalet e Carabao Cup do të zhvillohej një risi në të cilin gjyqtarët do t’u drejtoheshin tifozëve në stadium për të shpjeguar një vendim të VAR-it.

Pasi e panë atë në shumë liga të tjera, ka pasur kërkesa të mëdha që të futej në futbollin anglez dhe Stuart Attwell u bë gjyqtari që u ngarkua ta bënte këtë në stadiumin e Tottenhamit.

Sulmuesi i Spurs, Dominic Solanke mendoi se do t’i kalonte nikoqirët në avantazh kundër ish-skuadrës së tij, por përsëritjet treguan se kishte një pozitë të ngushtë jashtë loje.

🗣️ Referee Stuart Attwell makes history as the first referee in English football to explain VAR to the crowd (and it’s been a long time coming).

(Video by @Mockneyrebel )#TOTLIV | #CarabaoCupFinal pic.twitter.com/X7ziH2H1n0

— The Sportsman (@TheSportsman) January 8, 2025

VAR-i konfirmoi se Solanke ishte përpara Trent Alexander-Arnold, por më pas Attëell duhej të njoftonte vendimin për gjithë stadiumin.

“Pas rishikimit, Dominic Solanke ishte në pozicion jashtë loje gjatë ndërtimit të aksionit të golit, prandaj vendimi është pozitë jashtë loje”, tha 42-vjeçari.

Njoftimi u përshëndet me zë të lartë nga tifozët vendas dhe megjithëse disa mbështetës e mirëpritën informacionin shtesë, duke qenë se të pranishmit nuk arritën të shihnin një ripërsëritje, shumë menduan se ishte e kotë. /Telegrafi/