Ndeshjet e radhës në turneun kualifikues për ekipet e Evropës për Majorin e CS:GO në Paris

Edhe shumë pak ndeshje kanë mbetur për t’u mësuar lista e plotë e skuadrave që do të garojnë në BLAST Paris Major CS:GO në Paris.

Nesër (e premte) do të jetë një ditë përplot ndeshje interesante, duke filluar nga ora 10:00 me BIG ndaj NIP, ku fituesi do të kualifikohet tutje në Major, ndërsa ekipi humbës do të ketë edhe një mundësi të fundit.

Nga ora 10:00 do të përballen gjithashtu edhe forZe ndaj Aurora, ku fituesi kualifikohet tutje, ndërsa humbësi do të ketë një mundësi tjetër në kualifikuesin e mundësisë së fundit.

Cloud9 dhe ENCE do të përballen gjithashtu për një vend në Major nga ora 13:45, ndërsa G2 dhe Vitality do të takohen për ta mësuar se cila nga to do të përballet me ekipin Monte në ndeshjen vendimtare për fazën “Legends Stage”.

Gjithashtu nesër do të zhvillohen ndeshjet e mundësisë së fundit, ku do të përballen tri skuadra nga grupi A i Evropës dhe tri skuadra nga grupi B.

BLAST Paris Major do të zhvillohet nga data 8 maj dhe do të zgjas më shumë se dhjetë ditë. /Telegrafi/