Ndërron jetë babai i aktores Yllka Gashi

Është bërë e ditur se ka ndërruar jetë babai i aktores së njohur shqiptare, Yllka Gashi.

Lajmi është njoftuar nga motra e artistes, Donika, përmes një postimi të ndarë në rrjete sociale.

Ajo tregon se në orët e vona të mbrëmjes ka ndërruar jetë babai i tyre, kurse për shkak të pandemisë ceremonia e varrimit do bëhet vetëm me familjarët.

Njoftimi i plotë i Gashit:

‘Me pikëllim të thellë njoftojmë farefisin, shokët, miqtë e dashamirët, që mbrëmë më 20.03.2021 në orët e vona të mbrëmjes ndërroi jetë i dashuri ynë baba Hafiz Gashi (03.10.1941).

Varrimi bëhet sot më 21.03.2021, me namazin e ikindisë në varrezat te Xhamia e lagjes Suteskë, në Mramor. Për hir të traditave fetare, varrimi bëhet vetëm me pjesëmarrje të burrave.

Për shkak të situatës me pandeminë, nuk ka të pame.

Të pikëlluarit:

Bashkëshortja Vahidja, fëmijët: Donika, Iliriana, Fllanza, Yllka dhe Ademi, mbesat e nipat dhe mbarë familja Gashi”.

View this post on Instagram

A post shared by Yllka Gashi (@yllka_gashi)

Yllka deri më tani nuk ka bërë ndonjë reagim, megjithëse kjo periudhë e vështirë për familjen e gjen atë në Shtetet e Bashkuara të Amerikës, ku jeton prej vitesh me bashkëshortin dhe fëmijët. /Telegrafi/