Ndalimi i dinarit serb, QUINT kërkon të pezullohet vendimi dhe çështja të diskutohet në kuadër të dialogut

Banka Qendrore e Kosovës (BQK), ditë më parë ka miratuar rregulloren e re për Operacionet me Paratë e Gatshme, e cila do të hyjë në fuqi që nga 1 shkurti.

Sipas saj, valuta e vetme që lejohet të përdoret për kryerje të transaksioneve të pagesave me para të gatshme dhe në sistemin e pagesave në Kosovë është euro.

Lidhur me këtë vendim kanë shprehur shqetësimin e tyre vendet e QUINT-it.  Ato kanë kërkuar pezullimin e zbatimit të këtij vendimi.

“Pas një shkëmbimi për këtë çështje me Kryeministrin të premten, QUNIT kërkon pezullimin e zbatimit të rregullores për të mundësuar një periudhë mjaft të gjatë tranzicioni dhe për komunikim të qartë dhe efektiv publik. Çështja duhet të diskutohet më tej në kuadër të Dialogut të Lehtësuar të BE-së”, thuhet në deklaratën e përbashkët nga ambasada e Francës, Gjermanisë, Italisë, Mbretërisë së Bashkuar dhe Shteteve të Bashkuara.

Lexo po ashtu Kurti takoi ambasadorët e shteteve të QUINT-it, bisedojnë për ndalimin e qarkullimit të dinarit serb në Kosovë

Tutje në këtë deklaratë thuhet se rregullorja e fundit e Bankës Qendrore të Kosovës për operacionet me para të gatshme, e cila synon të reduktojë paratë e falsifikuara, të ruajë stabilitetin financiar, si dhe të rrisë transparenca e flukseve të parasë në Kosovë, megjithatë ngre shqetësime në lidhje me ndikimin në veçanti në komunitetet me shumicë serbe.

“Ne jemi të shqetësuar për ndikimin e rregullores në veçanti në shkollat dhe spitalet, për të cilat asnjë proces alternativ nuk duket i zbatueshëm për momentin. Rregullorja gjithashtu do të ketë ndikim të drejtpërdrejtë në jetën e përditshme të shumicës dërrmuese të serbëve të Kosovës që marrin pagesa/ndihma financiare nga Serbia”, thuhet në reagimin e QUINT-it. /Telegrafi/

The Embassies of 🇫🇷🇩🇪🇮🇹🇬🇧🇺🇸 note that the recent regulation of the Kosovo Central Bank (KCB) on cash operations, which aims to reduce counterfeit cash, safeguard financial stability, as well as increase the transparency of cash flows in, nevertheless raises concerns with regard… pic.twitter.com/cZrPkevKha

— U.S. Embassy Pristina (@USEmbPristina) January 28, 2024