NASA publikoi gabimisht një video nga Stacioni Ndërkombëtar Hapësinor dhe shkaktoi shumë spekulime

NASA ka transmetuar aksidentalisht një simulim të astronautëve që trajtohen për sëmundje dekompresimi në Stacionin Ndërkombëtar të Hapësirës (ISS), duke nxitur spekulime për një emergjencë.

Bëhet e ditur se kanali i drejtpërdrejtë i NASA-s në YouTube ka transmetuar një audio që tregonte se një anëtar i ekuipazhit po përjetonte efektet e sëmundjes së dekompresionit (DCS).

Siç raportohet, në audio, një zë femëror u kërkonte anëtarëve të ekuipazhit që “të marrin komandantin me kostumin e tij”, të kontrollojnë pulsin e tij dhe t’i sigurojnë atij oksigjen.

Disa entuziastë të hapësirës postuan në lidhje me audion me paralajmërime se kishte një emergjencë serioze në ISS, shkruan Reuters, përcjell Telegrafi.

“Kjo audio u devijua pa dashje nga një simulim i vazhdueshëm ku anëtarët e ekuipazhit dhe ekipet tokësore stërviten për skenarë të ndryshëm në hapësirë ​​dhe nuk lidhet me një emergjencë të vërtetë”, thuhet në postimin e ISS.

“Nuk ka asnjë situatë emergjente në bordin e Stacionit Ndërkombëtar të Hapësirës”, shtoi ai.

There is no emergency situation going on aboard the International Space Station. At approximately 5:28 p.m. CDT, audio was aired on the NASA livestream from a simulation audio channel on the ground indicating a crew member was experiencing effects related to decompression…

— International Space Station (@Space_Station) June 13, 2024

Ndryshe, DCS i cili shkaktohet nga azoti ose fluska të tjera gazi në qarkullimin e gjakut për shkak të një ndryshimi në presionin atmosferik, mund të ndikojë në sistemin nervor qendror dhe është potencialisht fatal.

Anëtarët e ekuipazhit në ISS ishin në gjumë në kohën e transmetimit audio, ndërsa përgatiteshin për një shëtitje në hapësirë. /Telegrafi/