Nakov: Lëshime gjatë hetimeve për “Almirin” dhe “27 prillin”

Hetimi i brendshëm në Prokurori i cili duhet të tregojë nëse prokurorët kanë vepruar në mënyrë joprofesionale pas ngjarjeve të 27 prillit, nuk duhet të përfundojnë vetëm me paralajmërime apo reduktim të pagave, konsideron ish prokurori Aleksandar Nakov. Sipas tij, duhet të hetohen edhe lëndë tjera në të cilat prokuroria ka punuar në të kaluarën.

“Kemi shumë raste ku prokurorët kompetent nuk e kanë kryer punën e tyre. Këtu do ta theksoj rastin e “Nikola Mladenovit, Rastin e Almirit të Vogël, rastin e Kosta Kërpaç dhe shumë tjera ku prokurorët publik kishin parregullsi në kryerjen e detyrave të tyre. Për këtë duhet të mbajnë përgjegjësi penale pasi moskryerja e detyrave nënkupton vepër penale, abuzim me detyrën zyrtare dhe autorizimin, dhe për këtë duhet të përgjigjen penalisht”, tha Aleksandar Nakov, ish prokurori.

Nakov nënvizon një varg lëshimesh në zhvillimin e hetimit pas 27 prillit. Mosveprimi i prokurorëve që në natën e hyrjes së turmës në Kuvend, ka lënë hapësirë për shkatërrimin e provave. Një rast i tillë është me agjentët e DSK-së të cilët i morën filmimet nga kamerat e sigurimit ku shihet se deputetë të VMRO-DPMNE-së i hapin dyert e Kuvendit.

Hetimi i brendshëm në Prokurori për lëshime të mundshme gjatë hetimit për rastet e 27 prillit duhet të përfundojnë javën e ardhshme. Për këtë rast ka akuzë përmes të cilës nuk zbulohet inspiruesi dhe porositësi i hyrjes në Kuvend./Alsat/