Nadal si askush më parë, bëhet tenisti më i vjetër që përfundon vitin si i pari në renditjen e ATP-së (Video)

Rafael Nadal ka arritur edhe një sukses në rrafshin ndërkombëtar të tenisit.

Tenisti spanjoll ka triumfuar në kuadër të turneut Paris Masters kundër koreano-jugorit, Hyeon Chung në sa je të rezultatit 2-0, në sete 7:5 dhe 6:3.

Kjo ka bërë që Nadal të bëhet tenisti më i vjetër që përfundon si i pari në renditjen botërore të tabelës ATP.

Nadal do të përfundojë vitin në vendin e parë në moshën 31-vjeçare dhe kjo do të jetë hera e katërt në karrierë që vitin e përmbyll si i pari.

“Një vit më parë, sigurisht që kurrë nuk kam ëndërruar të jem përsëri në numër 1 në botë. Kjo do të thotë shumë për mua. Por, ende nuk ka mbaruar sezoni”, pohoi Nadal pas ndeshjes me Chung.

“One year ago for sure I never dreamed about being World No.1 again.” #RolexPMasters pic.twitter.com/Wa46HMOlAT

— Tennis TV (@TennisTV) November 1, 2017

Kujtojmë se edhe në tre vjet të tjera ka përfunduar si lider i renditjes tabelore, përkatësisht gjatë 2008, 2010 dhe 2013.

Ndryshe, deri në fund të vitit 2017 do ta shohim edhe në së paku tre turne botëror spanjollin. /Telegrafi/

For the 4th time in his career, @RafaelNadal reigns as Year-End No. 1 in the @emirates ATP Rankings. ? https://t.co/LUyV8b9xrA pic.twitter.com/VZsb0JszAX

— ATP World Tour (@ATPWorldTour) November 1, 2017